رساله من إلفنيا الى جميع الاعضاء

المشاركات : 5 تاريخ التسجيل : 24/01/2009

السلام عليكم ورحمته الله

رســـالة

أقراها وأنت هادي ورايق ومركز زين

.. أرجوك تقرا هذي الرسالة إلى الأخر ..

وتأكد إنك أنت المستفيد ورح تحس براحه رهيبة

أكيد إنك شايف الناس في هذه الأيام كيف قاعدين يسعون ويتفننون في طلب الرزق

.. هذا راح يأخذ قرض ودخل بالأسهم

وهذاك طول يومه بمعارض السيارات

والثاني احترق وجهه بالصناعيه

وهذاك طاحت عيونه من كثر ما درس وسهر وتعلم

.. وهذا ما عاد شاف أهله من كثر ما يدور بالمخططات

والمساهمات العقاريه .. و و و و و ...

وبصراحه ما أحد يلومهم ..

الكل يبي رزقه يكثر وينبسط بحياته

.. بس فيه شغله ناس كثير جدا جدا ما فكروا فيها

.. حتى أكبر العقليات الإستثماريه ما جت على بالهم

إلا من رحم ربي ..

يقول الله سبحانه وتعالى

{ فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * }

.. الإستغفار :

يا ناس يا عالم الإستغفار سبب رئيس لأشياء حلوه في حياتنا .

. أشياء ياما وياما تمنيناها

.. من فينا ما يحب المطر ...؟

من فينا ما يحب المال ..؟

من فينا ما يحب يكون عنده أولاد وبنات ...؟

من فينا ما يحب يعيش بوسط جنات وأنهار في الحياه الدنيا ...؟

هذي كلها أشياء خياليه .. من جد خياليه ..

وماهي صعبه ولا مستحيله على رب العالمين سبحانه ...

الله قادر إنه يحققها لنا ...

بس إذا حققنا المطلوب منا ..

وش المطلوب منا ..؟

شي واحد وبس ... ولا أسهل منه

.. {الإستغفار}

والإكثار منه ... طيب والنتيجه ..؟

أنا أقولك النتيجه :

النتيجه عسى ربي يحفظك ويسلمك إن الإستغفار سبب في نزول المطر {بإذن الله} .

. وسبب في زياده الرزق وبالعربي زيادة المال

.. وسبب في إن الواحد منا يرزق بالذريه الصالحه إن شا الله .

. وسبب في تحول أراضينا إلى جنات وأنهار .

. وهذا مو كلامي

ولا كلام الشيخ ...

... أو المطوع ......

.. أو الداعيه ......

.... لا هذا كلام الله سبحانه .

. الله الله في الإكثار من الإستغفار ..

{ استغفر الله الذي لا إله إلا هو الحي القيوم وأتوب إليه

ملاحظه

: إذا استغفرت ربك الحين أكيد إن لك أجر

.. أجل وش رايك لو بعد سنه مثلا ويجون ألف واحد

يستغفرون وإنت لك مثل أجرهم بالضبط

.. وش رايك ...؟

طيب تخيل كم عددهم بعد سنتين

.. ثلاث .. عشر سنين ؟

تخيل نفسك يوم القيامه وإنت واقف والله سبحانه يحاسبك ..

. وقتها تتمنى مو حسنه نص حسنه ..

وما تدري إلا وعندك جبال كبيره من الحسنات والأجر والثواب ...

والسبب رساله ما تاخذ من وقتك ولا خمس دقايق في قراءتها

. اسأل الله العظيم رب العرش الكريم بأسمائه الحسنى وصفاته العلى أن يجعلني وإياك من أهل الجنه

.. آمين

جاتني الرساله على الايميل ونقلتها لكم

كل الحب إلفينيا

شكرا يا قلبي ع الموضوع الاكثر من رائع

لا عدمت تواجدك

المشاركات : 52 تاريخ التسجيل : 26/05/2009

مشكورة

صآحبة الفخآإآمه كتب:: شكرا يا قلبي ع الموضوع الاكثر من رائع

لا عدمت تواجدك

مثل ما قالت صاحبة الفخامه

مشكوره

شكراً إلفنيا ..=)